పన్నూర్ గ్రామంలో కృష్ణాష్టమి వేడుకలు

రామగిరి మండలం పన్నూరు గ్రామంలో కృష్ణాష్టమి వేడుకలు శ్రీ అభయాంజనేయ స్వామి ఆలయ ప్రాంగణంలో ఘనంగా నిర్వహించడం జరిగింది.ముందుగా శ్రీకృష్ణుని పటానికి పూలమాలవేసి కార్యక్రమానికి ప్రారంభించుకోవడం జరిగింది. ఈ కార్యక్రమంలో భాగంగా పిల్లలు కృష్ణ-గోపిక వేషధారణలో ఆట-పాటలతో అలరించారు. మరియు చిన్ని కృష్ణ-గోపిక వేషధారణలో డ్యాన్స్ లు, ఉట్టి కొట్టే కార్యక్రమం ప్రత్యేక ఆకర్షణగా నిలిచాయి. ఈ కార్యక్రమంలో పిల్లలు ఎంతో ఉత్సాహంగా పాల్గొన్నారు. తదుపరి గెలుపొందిన పిల్లలకు శ్రీ అభయాంజనేయ స్వామి ఆలయ అర్చకులు ఆచార్య గోవర్ధనగిరి ధీరజ్ కృష్ణ చేతుల మీదుగా బహుమతులను ప్రదానం చేశారు.ఈ కార్యక్రమంలో చిన్నారుల తల్లిదండ్రులు, గ్రామ ప్రజలు పాల్గొన్నారు.