జహీరాబాద్: వినాయక చవితి వేడుకలలో ప్రత్యేక పూజలు
జహీరాబాద్ పట్టణంలోని పలు కాలనీల్లో గణేష్ ఉత్సవ కమిటీ ఆహ్వానం మేరకు ప్రముఖ నాయకులు వినాయకుడిని దర్శించి ప్రత్యేక పూజలు నిర్వహించారు.తెలంగాణ రాష్ట్ర సెట్విన్ కార్పొరేషన్ చైర్మన్ యన్. గిరిధర్ రెడ్డి, జహీరాబాద్ పార్లమెంట్ కాంగ్రెస్ పార్టీ సీనియర్ నాయకులు డా. సిద్ధం ఉజ్వల్ రెడ్డి, మరియు టి ఎస్ ఐ డి సి (తెలంగాణ రాష్ట్ర ఇండస్ట్రియల్ డెవలప్‌మెంట్ కార్పొరేషన్) మాజీ చైర్మన్ మహ్మద్ తన్వీర్ ఈ కార్యక్రమంలో పాల్గొని అనేక అన్నదాన కార్యక్రమాల్లో శ్రద్ధతో పాల్గొన్నారు.ఈ సందర్భంగా, ఉత్సవ కమిటీ నిర్వహకులు వారి సేవలను ప్రశంసిస్తూ ఘనంగా సన్మానించారు.ఈ కార్యక్రమంలో జహీరాబాద్ మాజీ మున్సిపల్ చైర్మన్ మంకాల్ సుభాష్, మాజీ కౌన్సిలర్లు, కాంగ్రెస్ పార్టీ సీనియర్ నాయకులు, యువత కాంగ్రెస్, ఎన్ ఎస్ యు ఐ (నేషనల్ స్టూడెంట్ యూనియన్ ఆఫ్ ఇండియా) నాయకులు మరియు ఇతరులు పాల్గొన్నారు.
