*పరమశివుడి కృపా కటాక్షాలతో ప్రజలంతా వర్ధిల్లాలి..*
*కార్తీక మాస దీపాల వెలుగులు అందరి జీవితలలో ఉండాలి..*
*నీలం మధు ముదిరాజ్..*
*ఘన స్వాగతం పలికిన నిర్వాహకులు
చార్మినార్ ఎక్స్ ప్రెస్ సంగారెడ్డి జిల్లా, 15, నవంబర్
పరమశివుడు కృపా కటాక్షాలతో ప్రజలంతా సుఖ సంతోషాలు ఆయురారోగ్యాలతో వర్ధిల్లాలని టిజిఐఐసి చైర్మన్ నిర్మలా జగ్గారెడ్డి,మెదక్ పార్లమెంట్ కంటెస్టెడ్ కాంగ్రెస్ పార్టీ క్యాండిడేట్ నీలం మధు ముదిరాజ్ అన్నారు.
శుక్రవారం పటాన్చెరు మండలం ఇస్నాపూర్ గ్రామపంచాయతీ పరిధిలోని మాజీ సర్పంచ్,ఎంపీటీసీ గడ్డం బాలమణి శ్రీశైలం గార్లు ఏర్పాటు చేసిన కార్తీక మాస దీపోత్సవ కార్యక్రమానికి టీజిఐఐసి చైర్మన్ నిర్మలా జగ్గారెడ్డి గారితో కలిసి నీలం మధు హాజరయ్యారు. ఈ సందర్భంగా దేశంలోని వివిధ నదుల నుంచి సేకరించిన జలాలచే 108 కలశాలతో కలశాభిషేకం నిర్వహించారు. మొదట లక్ష్మీ గణపతి హోమం తో కార్యక్రమంలో రుద్రాభిషేకం శ్రీ రమా సహిత సత్యనారాయణ స్వామి వ్రతం జరిగింది. స్వామివారిని దర్శించుకున్న అనంతరం నిర్మలా జగ్గారెడ్డి, నీలం మధు మాట్లాడుతు ఆధ్యాత్మికంగా కార్తీక మాసానికి దివ్యమైన విశిష్టత ఉందన్నారు.పరమ శివుడికి మహావిష్ణువుకి ప్రీతిపాత్రమైన కార్తీక మాసంలో మహిళలు కార్తీక దీపాలను వెలిగించి శివ కేశవులను ఆరాధిస్తారని తెలిపారు. అనంతరం నిర్వాహకులు నిర్మల జగ్గారెడ్డి గారిని, నీలం మధు గారిని ఘనంగా సత్కరించారు. ఆ శివకేశవుల ఆశీస్సులతో కార్తీక దీపాల వెలుగులు ప్రజలందరి జీవితాల్లో వెలగాలని ప్రజలంతా సుభిక్షంగా ఉండాలని ఆకాంక్షించారు.ఈ కార్యక్రమంలో స్థానిక నాయకులు, ప్రజలు, భక్తులు అధిక సంఖ్యలో పాల్గొన్నారు..
