బెల్లంపల్లి ప్రభుత్వ డిగ్రీ కళాశాలలో పీజీ కోర్సుల్లో ప్రవేశాలు
-ఈవిద్యా సంవత్సరం నుంచి ప్రారంభం కానున్న తరగతులు
– అందుబాటులోకి ఎంఏ పొలిటికల్ సైన్స్, ఎంఏ ఇంగ్లీష్ సైన్స్, ఎం.కామ్
– 21 నుంచి రిజిస్ట్రేషన్లు: ప్రిన్సిపల్ డాక్టర్ కాంపల్లి శంకర్, పీజీ కోఆర్డినేటర్ మేడ తిరుపతి
– బెల్లంపల్లి ప్రభుత్వ డిగ్రీ కళాశాలలో ఈ విద్యా సంవత్సరం నుంచి కాకతీయ యూనివర్సిటీ పీజీ రెగ్యులర్ కోర్సులను అందుబాటులోకి తెస్తున్నట్లు ప్రిన్సిపాల్ డాక్టర్ కాంపల్లి శంకర్, పీజీ కోఆర్డినేటర్ మేడ తిరుపతి తెలిపారు. ఎంఏ పొలిటికల్ సైన్స్ తో పాటు ఎంఏ ఇంగ్లీష్, ఎం.కామ్ కోర్సులు అందుబాటులో ఉంటాయని పేర్కొన్నారు. 2024-25 విద్యా సంవత్సరానికి గాను సిపి గెట్ పిజి ఎంట్రన్స్ పరీక్షను రాసిన విద్యార్థులు ఈ విషయాన్ని గమనించాలని సూచించారు. ఈ నెల 21వ తేదీ నుంచి రెండవ విడత పిజి సీట్ల కోసం రిజిస్ట్రేషన్లు ప్రారంభమవుతాయని తెలిపారు. *మొదటి విడత పీజీ అడ్మిషన్లలో ఇతర పీజీ కళాశాలల్లో చేరిన విద్యార్థులు సైతం రెండవ విడత బెల్లంపల్లి ప్రభుత్వ డిగ్రీ కళాశాలలో చేరడానికి రిజిస్ట్రేషన్ చేసుకోవచ్చని చెప్పారు.* ఆసక్తి గల విద్యార్థులు ఆయా కోర్సుల్లో చేరడానికి ఆన్లైన్ ద్వారా సీపీ గెట్ ర్యాంకు కార్డు, కులం, ఆదాయం సర్టిఫికెట్లు మరియు ఆధార్ కార్డులతో రిజిస్ట్రేషన్ చేసుకోవాలని కోరారు. వివరాలకు ఈ ఫోన్ నెంబర్లలో 9959269975, 9948075400, 9959539369, 7780418194 సంప్రదించాలని ప్రిన్సిపాల్ డాక్టర్ కాంపల్లి శంకర్ సూచించారు.
